«Мәңгілік жел салтанатының» жетінші эпизоды — корей өнерпазы Соджунг Джунның «Мен — тоғыз құйрықты түлкімін» аудиовизуалды пьесасын ұсынады. Кеңес заманы кезінде Орталық Азияға күштеп қоныс аударылған корейлердің шынайы оқиғаларына негізделген туынды корё-сарам қауымына, атап айтқанда Алматыдағы бірегей Корей театрына мойын бұрады. Мұрағат материалдары және заманауи видео түсірілімдермен жұмыс істей отырып, Соджунг Джун көші-қон, дәстүрлер, жад пен көмескі кімдікті тоғыз құйрықты құбылмалы түлкі – гумихо туралы мифпен сәйкестендіреді. Пьесаны Триеннале үшін арнайы жиналған дәстүрлі, академиялық және экспериментал музыканттардан тұратын ансамбль Корей театрымен әріптестікте орындайды. Іс-шара Корей мәдениет орталығының қолдауымен өтеді.